Լուրեր
Եթե հանքը շահագործվեց, Ջերմուկը կկործանվի․ ջերմուկցիները վճռական են տրամադրված

«Ես մենակ էն գիտեմ, որ եթե էս հանքն աշխատեց, քաղաքը կործանվում է։ Թող գան, ման գան ու տեսնեն, թե ինչպիսի քաղաք են կորցնելու։ Ասեմ՝ եթե էստեղ տուրիստ չեկավ, հանգստացող չեկավ, էս քաղաքը քաղաք չի լինի՝ օբա կարող է լինել։ Էն, որ արարատցիներն անասունը հանում են սար, արդեն էստեղ կարող են հանել։ Դա սխալ որոշում է, ես համաձայն չեմ դրա հետ։ Մեկ օրով փորձաքննություն նրանք չեն կարող անցկացնել ու որոշել, որ վնաս չի։ Մեր վրա վերցնենք․ որտեղ հանք աշխատի, մենք կգնա՞նք էնտեղ հանգստանալու։ Անձամբ ես մինչև վերջ պայքարելու եմ մեր քաղաքի, մեր երեխաների համար։ Պետք է հանքը չաշխատի, որովհետև մենք հնարավորություն չունենք էստեղից քոչել և ուրիշ տեղ ապրել։ Մենք էստեղ ապրել ենք ու մեր երեխաներն էլ էստեղ պետք է ապրեն։ Մենք սիրում ենք մեր քաղաքը, թող հույս չունենան, թեկուզ դատվելու, մահվան գնով էլ լինի, պայքարելու ենք»,- «Առաջին լրատվական»-ի հետ զրույցում ասաց Ջերմուկի բնակիչը։

Իսկ մեկ այլ ջերմուկցի էլ ասաց․ «Ես համոզված եմ, որ փորձագետները սխալ փորձագիտություն են իրականացրել, և Ամուլսարը վտանգավոր է Ջերմուկի բնակիչների համար։ Ունեմ երեք երեխա, մտածում եմ ոչ միայն նրանց մասին, այլ Ջերմուկ քաղաքի բոլոր երեխաների մասին։ Հուսով եմ, որ բոլորս միահամուռ կկանգնենք ու կպայքարենք, որպեսզի Ամուլսարը չշահագործվի։ Ես հավատում և վստահում եմ Նիկոլ Փաշինյանին, որ այս որոշումը նորից կվերանայվի։ Կոչ եմ անում Ջերմուկի բնակիչներին, որ համախմբվեն ու պայքարեն իրենց քաղաքի ապագայի համար»։

«Ես շատ դեմ եմ, որ հանքն աշխատի՝ ամբողջ փոշին քաղաքի վրա է լինելու և կեղտոտելու է։ Ճիշտ է՝ ասել են, որ ջուրը չի աղտոտվելու, բայց ես չեմ հավատում՝ սաղ սուտ ա»,- ասաց մի տարեց ջերմուկցի։

«Չի կարելի, որ մի սափրագլուխ մի ամբողջ ազգի առնի փողով։ Ուրեմն մեր Ազգային ժողովի բոլոր պատգամավորները ժողովրդի մասին չեն մտածում։ Ջերմուկ քաղաքն ամբողջ աշխարհն ա ճանաչում։ Փաշինյանը թող լավ մտածի՝ ոնց Սերժի առաջ դուրս եկան, նույնն էլ իր առաջ են դուրս գալու»,- հավելեց մեկ այլ տարեց ջերմուկցի, զոհվածի ծնող Գևորգ Զնաբերդցին։

 

 

Մանրամասները՝ տեսանյութում։

  • Դիտումներ՝ *