Այս տարվա հուլիսին Վրաստանը Ռուսաստան է արտահանել ավելի քան 3,5 մլն շիշ գինի, ինչը 27 տոկոսով պակաս է 2018 թվականի նույն ժամանակաշրջանի համեմատությամբ: Այդ մասին, ինչպես տեղեկացնում է TASS-ը, ասված է Վրաստանի գինու ազգային գործակալության մամուլի ծառայության՝ օգոստոսի 15-ին տարածած հաղորդագրության մեջ:
«Մայիս ամսին Վրաստանը Ռուսաստան է արտահանել ավելի քան 4,5 մլն շիշ գինի, հունիսին՝ ավելի քան՝ 4,2 միլիոն, իսկ հուլիսին գինու արտահանումը կրճատվել է մինչև ավելի քան 3,5 մլն շիշ, ինչը 27 տոկոսով պակաս Էէանցյալ տարվա հուլիսի արտահանման ցուցանիշի համեմատությամբ»,-ասված է հաղորդագրության մեջ:
Գործակալության ղեկավար Լևան Մեխուզլան օգոստոսի 15-ին հայտարարել է, որ այս տարի գինու արտադրությամբ զբաղվող վրացական ընկերությունները կարող են նվազեցնել խաղողի գնումների ծավալը՝ զգուշանալով այն բանից, որ Ռուսաստանը հունիսի 20-21-ին Թբիլիսիում տեղի ունեցած հանրահավաքների պատճառով կարող է պատժամիջոցներ սահմանել ալկոհոլային արտադրանքի այս տեսակի արտահանման վրա: