Լուրեր
Ինչի կհանգեցնեն Քննիչ հանձնաժողովի բացահայտումները․ Փաշինյանը «սև լեգենդների» մասով ասելիք ունի

Ապրիլյան քառօրյա պատերազմի հանգամանքները քննող հանձնաժողովի աշխատանքների շուրջ զրուցելու նպատակով «Առաջին լրատվական»-ը հյուրընկալել է ԱԺ «Իմ քայլը» խմբակցության պատգամավոր Տիգրան Կարապետյանին և ռազմաքաղաքական վերլուծաբան Մհեր Հակոբյանին:

Ինչպես նշեց Տիգրան Կարապետյանը՝ գաղտնիությունը հաշվի առնելով՝ շատ չեն կարող մանրամասնել, բայց այս երկու ամսվա ընթացքում բավականին աշխատանք է կատարվել՝ կապված փաստաթղթերի հետ: «Երեկ չէ առաջին օրը ստացել ենք Սեյրան Օհանյանի հայտնի վերլուծությունը, հիմա աշխատում ենք այդ փաստաթղթի վրա: Ունենք արդեն առաջին հրավիրված անձը, որից բավականին հետաքրքիր տեղեկատվություն ենք ստացել»,- ասաց նա՝ զերծ մնալով անուններ հրապարակելուց:

Նրա խոսքով՝ քանի որ փաստաթղթերի ծավալը բավականին մեծ է, որոշում է կայացվել լիազորել ԱԺ պաշտպանության և անվտանգության հանձնաժողովի նախագահ Անդրանիկ Քոչարյանին, որպեսզի Նորատ Տեր-Գրիգորյանցի և Վաղարշակ Հարությունյանի հետ համաձայնության գան՝ որպես խորհրդատու ներգրավելու աշխատանքներում. «Նաև՝ սեպտեմբերի 1-ից կունենանք հետախուզության մասնագետ, որի անունը կհրապարակվի երևի սեպտեմբերի 1-ին»:

Ռազմաքաղաքական վերլուծաբան Մհեր Հակոբյանը նախ՝ իրոք դրական է համարում հանձնաժողովի ստեղծումը. «Այն արդեն պատմություն է դառնում, և քանի դեռ ամեն ինչ թարմ է, պետք է բոլոր հնարավոր միջոցառումները ձեռնարկենք, որպեսզի այն չմնա մեր պատմության մեջ որպես մութ կետ: Սա մեզ համար ոչ միայն պատմական նշանակություն ունի, այլև գործնական, որովհետև հակամարտությունը շարունակվում է, և բացառված չէ նմանատիպ իրավիճակի կրկնում. մենք պետք է այդ սխալներից հնարավորինս դասեր քաղենք»:

Այնուամենայնիվ, մեր զրուցակիցը տեսնում է նաև խնդիրներ՝ նախևառաջ կապված հանձնաժողովի լիազորությունների ծավալի հետ:

 

Հարցազրույցն ամբողջությամբ՝ տեսանյութում:

  • Դիտումներ՝ *