BBC-ի ռուսական ծառայության կողմից Մարտի 1-ին վերաբերող հոդվածի հրապարակման առիթով աղմուկը չի դադարում: Հանրապետական կուսակցությունից, ինչպեսև մի շարք լրատվամիջոցներ հայտարարություններով հանդես եկան՝ ասելով, որ այդ հրապարակումը ընդհուպ ազգային անվտանգության խնդիր է: Այս հայտարարությունները որքանո՞վ քաղաքական ենթատեքստ ունեն՝ հաշվի առնելով, որ հրապարակվածը վերաբերում է ավարտված փաստաթղթի, և դրան ծանոթ են գործին առնչվող բոլոր փաստաբանները, լրատվամիջոցները:
«Առաջին լրատվական»-ի այս հարցին ի պատասխան՝ փաստաբան Նորայր Նորիկյանը նշեց, որ մենք շոշափում ենք հանրային կյանքի կարևորագույն հարցերից մեկը: Նա մասնավորապես ասաց. «Ես հույս ունեմ, որ այս գործի քննության արդյունքում մենք վերջիվերջո կունենանք այն հարցի պատասխանը, թե, այնուամենայնիվ, ում հրամանով են կրակել ժողովրդի վրա, ովքեր են եղել այն անձինք կամ այն գեներալները կամ բարձրագույն սպայական կազմի ներկայացուցիչները, ովքեր անմիջական մասնակցություն են ունեցել ժողովրդի վրա կրակելու գործին, և ինչպիսի հրաման են կատարել: Այնուամենայնիվ, այդ հարցազրույցից ինձ համար մեկ անգամ ևս պարզ դարձավ, որ եղել է հանձնարարություն, և Օգանովսկին եղել է այդ հանձնարարության կատարողը»:
Փաստաբանը վերաշարադրեց իր եզրակացությունները՝ նշելով, որ BBC-ի հրապարակումը, իհարկե, քաղաքական ենթատեքստ ուներ, ավելին՝ քաղաքական ուղերձ էր պարունակում:
Մանրամասները՝ տեսանյութում։