Նոր Զելանդիայի կառավարությունը բնակչությունից ավելի քան տասը հազար միավոր արգելված կիսաավտոմատ զենք Է հետ գնել դրա վերադարձման սխեմայի գործողության մեկ ամսից պակաս ժամանակահատվածում, որը մտցվել Է մարտին կատարված ահաբեկչական գործողությունից հետո:
Այդ մասին հայտնել Է Guardian թերթը:
Քրայսթչերչում իրականացված ահաբեկչությունից հետո, որը 50 մարդու կյանք խլեց, Նոր Զելանդիայի վարչապետ Ջասինդա Արդեռնը հայտարարեց երկրի տարածքում մարտական ամբողջ կիսաավտոմատ զենքի եւ գրոհային հրացանների արգելք սահմանելու մասին: Ապրիլին Նոր Զելանդիայի խորհրդարանն օրինագիծ ընդունեց, որն արգելք Է դնում մարտական տեսակի կիսաավտոմատ զենքի, գրոհային հրացանների եւ դրանց դետալների վրա: Ավելի վաղ հաղորդվել Է, որ իշխանությունները նշված զենքը գնելու համար պլանավորում են ծախսել մոտավորապես 136 մլն դոլար:
Ինչպես նշում Է թերթը, հուլիսի կեսին սխեմայի աշխատանքի սկսվելու պահից երկրի բնակիչները ոստիկանությանն են հանձնել 10 հազար 242 միավոր զենք: Ընդ որում՝ եւս 1269 միավոր վերադարձվել Է «համաներման» շրջանակներում, որը ենթադրում Է, որ ոստիկանությունը զենքի տիրոջը հարցեր չի տալիս այն մասին, թե երբ եւ ինչպես Է նա ձեռք բերել այդ զենքը: Ընդամենը նորզելանդացիների ձեռքին, ըստ տարբեր գնահատականների, գտնվում Է 1,2-ից մինչեւ 1,5 մլն միավոր զենք: Ենթադրվում Է, որ այն քաղաքացիները, որոնք արգելված կիսաավտոմատ զենք ունեն, պետք Է դա հանձնեն մինչեւ 2019 թվականի դեկտեմբերի 20-ը, հաղորդել Է ՌԻԱ Նովոստին: