Սիբիրը կրակների մեջ է։ Հրդեհի ընդգրկման տարածքները գերազանցում են մի քանի միլիոնը։ Այսինքն Հայաստանի չափ կամ էլ ավելի շատ տարածք արդեն իսկ վերածվել է մոխրի կույտի։ Մասնագետների կարծիքով այրվող անտառներում ապրում էին ավելի քան 13 հազար տարբեր կենդանատեսակներ՝ Հյուսիսային եղջերուներից մինչև արջեր։ Մի խոսքով գործ ունենք համամոլորակային խոշոր աղետի հետ, սա միայն Ռուսաստանի հարցը չէ, այլ ամբողջ աշխարհի, քանի որ անտառները երկիր մոլորակի թոքերն են, թթվածնի աղբյուրը։
Բայց Ռուսաստանի իշխանությունները թքած ունեն այս աղետի վրա, կարծես թե ոչինչ էլ չի եղել և հրդեհ չկա, ի՞նչ հրդեհ, ոչ մի հրդեհ, մոռացեք անտառների մասին, և եկեք նավատորմի օրվա առթիվ խմենք ու ուրախանանք, այնպես խմենք, որ կորցնենք իրականության զգացողությունը։ Ասվածը ի դեպ հենց այնպես մեղադրանք չէ, իսկապես հրդեհի տարածման ամենաթեժ պահին Մոսկվայում և Պետերբուրգում իշխանությունները նավատորմի օրն էին նշում։
Բայց նավատորմի օրն էլ մի կողմ, բանից պարզվում է հրդեհների դեմ անկարող իշխանությունները կարողանում են ամենայն դաժանությամբ ցույցեր և հանրահավաքներ ցրել։ Անտառները ոչինչ թող այրվեն, կարևորը ցույցեր և խդժություններ չլինեն, կարևորը Պուտինի քնքուշ ու զգայուն իշխանությանը ոչինչ չպատահի։
Իրականում հենց այս պարագայում է բացահայտվում Պուտինյան ռեժիմի իրական դեմքը, երբ ոչնչացող անտառների կողքին դնում ենք մահակներով ցուցարար ծեծող ու ջարդող ոստիկաններին։ Սա է Կրեմլի իրական դեմքը։ Պուտինը պատրաստ է հրդեի մատնել ամբողջ Սիբիրը, միայն թե իր սուրբ, ուղղափառ իշխանությունը անձեռնմխելի մնա։