Երկիրը, որպես կանոն, ճանաչելի են դարձնում ոչ միայն պատմամշակութային հուշարձանները, այլ նաև մարդիկ: Այդ մարդիկ յուրօրինակ դեսպանների դեր են կատարում, նրանք ապրում, աշխատում, ներկայացնում են տարբեր ոլորտներ՝ կինո, թատրոն, նորաձևություն… Այդպիսի մարդկանցից է մեր հայրենակից ճարտարապետ, դիզայներ Արման Ավետիքյանը, ով ծնվել է Հայաստանում, հետո մեկնել է արտերկիր սովորելու, աշխատել է հանրաճանաչ «Ջորջո Արմանի» բրենդի համար, և հիմա ստեղծել է սեփական՝ «Ֆրոյ» բրենդը և այն փորձում է զարգացնել Իտալիայում:
«Առաջին լրատվական»-ի հետ զրույցում Արման Ավետիքյանը ներկայացրեց բրենդի անվան ծագումը՝ կապված Վայոց ձորից սերող իր տոհմի շատ հայտնի մի պատմության հետ: «Իմ պապի պապի պապին գայլի ձագ է բերել գյուղ, մեծացրել է, հետո այդ գայլը կերել է իր ոչխարներին: Դրանից հետո հարևանները մեր տոհմի ներկայացուցիչներին Ֆրոյի գժեր են անվանել»:
Մեր զրուցակցի դիտարկմամբ՝ Հայաստանը մեծ պոտենցիալ ունի թեթև արդյունաբերությունը զարգացնելու համար: «Իմ հայրենիքում սկսվում է նորաձևության ինդուստրիան զարգանալ, և ես ուրախ եմ, որ կարող եմ ինչ-որ կերպ օգնել: Կան որոշակի խնդիրներ, առաջին հերթին համապատասխան մասնագետների պակաս կա»:
Դիզայների կարծիքով՝ Հայաստանին պակասում է պետական մարմին, որը կհամակարգի նորաձևության ոլորտը:
Վերջին շրջանում Սփյուռքը դիտարկվում է ոչ թե որպես ֆինանսական միջոցների աղբյուր, այլ որպես գաղափարներ գեներացնելու միջոց: Արման Ավետիքյանի կարծիքով՝ տնտեսության համար շատ ավելի լավ է ոչ թե ֆինանսներ բերել հայրենիք, այլ գալ և սովորեցնել, թե ինչպես աշխատել ֆինանսներ:
Մանրամասն՝ տեսանյութում: