Լուրեր
Սա իտալական մշակույթի կանգառն է Հայաստանում․ եզակի ցուցահանդես Երևանում

Հայաստանի ազգային պատկերասրահը և Հայաստանում Իտալիայի դեսպանատունը ներկայացնում են «Հին Հռոմի գունեղ տեսիլները․ խճանկարներ Կապիտոլյան թանգարաններից» եզակի ցուցահանդեսը։

Մշակութային այս կարևոր իրադարձության շուրջ «Առաջին լրատվական»-ը զրուցեց Կապիտոլյան թանգարաններից կուրատոր Նադիա Նոլի, Իտալիայի դեսպանի օգնական Արա Մկրյանի և Հայաստանի Ազգային պատկերասրահի կիրառական-դեկորատիվ արվեստի բաժնի ղեկավար Սաթենիկ Չուգասզյանի հետ:

Կուրատորի խոսքով՝ աշխարհի ամենահին թանգարանի՝ Հռոմի Կապիտոլյան թանգարանների խճանկարների հոյակապ հավաքածուն իր առաջին կանգառն ունեցել է Սոֆիայում: Այն մաս է կազմում միջազգային ցուցահանդեսի, որի երկրորդ կանգառը Երևանում է, երրորդը կլինի Վրաստանում: Ցուցահանդեսը կազմված է այնպիսի խճանկարներից, որոնք ունեն կոնկրետ հնագիտական համատեքստ: Բոլոր խճանկարները Հռոմի պեղումների արդյունքում են հայտնաբերվել:

Սաթենիկ Չուգասզյանն անդրադառնալով դիտարկմանը, որ իտալական մշակույթն աշխարհում մեծ ազդեցություն ունի, նշեց, որ Ազգային պատկերասրահում լավ հավաքածու է ներկայացված, կան նաև բացառիկ նմուշներ մասնավոր հավաքածուներում, և հավելեց, որ մշակութային առումով հայկական հետքն Իտալիայում ակնառու է:

«Նման ցուցահանդեսները նոր էջ են բացում, նոր հնարավորություն են ստեղծում այցելուների համար, որոնք կգան թանգարան, կծանոթանան և ավելին կիմանան իտալական մշակույթի մասին, ինչն էլ գուցե նրանց մղի հետազոտությունների»:

Ցուցահանդեսում ներկայացված խճանկարները ներկայացնում են հռոմեական խճանկարչության հարստությունն ու վարպետությունը։ Ցուցադրությունը ներառում է տարատեսակ նյութերի կիրառությամբ ստեղծված խճանկարների պատկերագրական և զարդային հարուստ տեսականի։

Մանրամասն՝ տեսանյութում:

  • Դիտումներ՝ *