Tuesday, 19 03 2024
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»
Նիկոլ Փաշինյանն ապահովագրում է իրեն Ա եվ Բ պլանների համա՞ր
Հանրապետության նախագահն ընդունել է ֆրանսիացի մտավորականների
Պուտինը ՌԴ նախագահի թեկնածուներին առաջարկել է համատեղ աշխատել
Եթովպիայում ՀՀ դեսպանն իր հավատարմագրերն է հանձնել երկրի նախագահին
Հայաստանի և Մալթայի ԱԳ նախարարությունների միջև անցկացվել են առաջին քաղաքական խորհրդակցությունները
Վարչապետը տիկնոջ հետ ներկա է գտնվել «…և նորից Գարուն» ներկայացմանը
00:07
Բայդենը Նեթանյահուին հայտնել է Իսրայելի ռազմական ծրագրերի վերաբերյալ մտահոգությունների մասին
Էրդողանը շնորհավորել է Պուտինին
00:03
ԱՄՆ-ն չի շնորհավորի Պուտինին ընտրություններում հաղթանակի կապակցությամբ
Եղանակային պայմանները ՀՀ ավտոճանապարհներին
Արա Աբրահամյանի ներկայացուցիչը 20-ամյա երիտասարդի է ծեծի ենթարկել
Փաշինյանը փոխզիջման օրինակ է ծառայում․ 31 գյուղի հեկտարները կվերադարձվե՞ն
Մեր քաղաքականությունն է թույլ չտալ պատերազմ. Նիկոլ Փաշինյանը Ոսկեպարում էր
ՌԴ նախագահի ընտրության բուն ինտրիգը նոր է սկսվում
Երթուղայինի վարորդը և կանգառում սպասող կինը հարվածներ են հասցրել միմյանց
ՆԱՏՕ-ն նախապատվությունը տալիս է Բաքվի՞ն․ Ստոլտենբերգի «անհամաչափ» օրակարգը
«Վերընտրված» Պուտինը և հայկական պետականությունը անհամատեղելի են
Այս պատմական անողնաշարությունը չի ներվելու հենց պատմության կողմից
Քննարկել ենք ԼՂ-ից բռնի տեղահանումից հետո Հայաստանում և տարածաշրջանում ստեղծված անվտանգային մարտահրավերները. Նարեկ Մկրտչյան
Մի քանի լարի վրա չենք խաղում. իրավունք չունենք երկիրը բախտախնդրության տանելու

Սամվել Ալեքսանյանը մուծել է 10 մլրդ դրամի չափով հարկ, Վարդանյան եղբայրները՝ ավելի քան 45 մլրդ

ՀՀ պետական եկամուտների կոմիտեն հրապարակել է 2019թ. առաջին կիսամյակում հազար խոշոր հարկատուների ցուցակը: Համաձայն պետեկամուտների կոմիտեի հրապարակած տվյալների՝ այս տարվա առաջին կիսամյակում 1000 խոշոր հարկատու ընկերությունները միասին վճարել են 510 մլրդ 792 մլն դրամի հարկ: Սրանից 413 մլրդ 923 միլիոնը հավաքվել է հարկային մարմինների կողմից, մնացածը՝ մաքսային: Հարկային մարմինների հավաքագրածից 208 մլրդ 763 միլիոնը եղել է ԱԱՀ, 109 մլրդ 602 միլիոնը՝ շահութահարկ, 104 մլրդ 735 միլիոնը՝ եկամտային հարկ:

Առաջին 10 խոշոր հարկատուները միասին պետական բյուջե են վճարել 131 մլրդ 450 մլն դրամի հարկ, որ կազմում է հազար խոշորի մուծած հարկերի 25.7%-ը: 100 խոշոր հարկատուները մուծել են 315 մլրդ 146 մլն, որ կազմում է ընդհանուրի մուծած հարկերի 61.7%-ը: Փաստորեն, այս տարվա առաջին կիսամյակում հազար խոշոր հարկատուները ավելի քան 64 միլիարդով ավելի հարկ են վճարել: Ավելի վճարած հարկերի շուրջ 30%-ը վճարել են առաջին երեք խոշոր հարկատուները: 2018-ին հազար խոշոր հարկատուները միասին վճարել էին 446 մլրդ 615 մլն դրամ: 2017թ. առաջին կիսամյակում հազար խոշորների կողմից պետական բյուջե է վճարվել 378 մլրդ 483 մլն դրամ: 2018-ին, նախորդ տարվա համեմատությամբ, ավելի է հավաքվել՝ 68 մլրդ 132 մլն դրամ: 2019-ին, 2018-ի համեմատությամբ, ավելի է հավաքվել՝ 64 մլրդ 177 մլն դրամ: Նշենք, որ 2018թ. առաջին կիսամյակում նույնպես առաջին երեք խոշոր հարկատուները նույն ընկերություններն էին: Բայց մեկ տարի առաջ նրանք միասին վճարել էին 62 միլիարդից քիչ ավելի հարկ, մինչդեռ այս տարի նրանց վճարածը կազմել է շուրջ 81 մլրդ դրամ:

Հանրապետության թիվ մեկ հարկատուն «Զանգեզուրի պղնձամոլիբդենային կոմբինատն» է, պետությանը վճարած 29.5 մլրդ դրամով: Սրան հաջորդում են «Գրանդ Տոբակո» և «Գազպրոմ Արմենիա» ընկերությունները՝ վճարած համապատասխանաբար 28.3 մլրդ և 22.8 մլրդ դրամ հարկերով: Այս երեք ընկերություններից յուրաքանչյուրը տարվա առաջին կիսամյակում պետական բյուջե է վճարել ավելի քան 20 մլրդ դրամ: Հաջորդների վճարածները, սրանց համեմատությամբ, շեշտակի նվազում են՝ չհասնելով անգամ 10 միլիարդի սահմանագծին: Ահավասիկ. վճարած հարկերի թվով (9.45 մլրդ) 4-րդ ընկերությունը «Ինտերնեյշնլ Մասիս Տաբակ» ընկերությունն է: Եվս մեկը՝ «Գեոպրոմայնինգ Գոլդ» ընկերությունը վճարել է ավելի քան 9 մլրդ (9.1մլրդ) դրամ: Հաջորդում են Հայաստանի էլեկտրական ցանցեր ընկերությունը (7.8 մլրդ դրամ) և «Ֆլեշը» (7.6 մլրդ): Հանրապետության 8-րդ խոշոր հարկատուն «Ակվիլոն Թրեյդ» ընկերությունն է՝ վճարած 6.5 մլրդ հարկերով, որին հաջորդում են «Ֆիլիպ Մորիս Արմենիան»՝ 5.18 մլրդ դրամ, և լավագույն տասնյակը եզրափակում է «Արմենիա» միջազգային օդանավակայաններ ընկերությունը՝ 5.16 մլրդ դրամ:

2018-ին վճարած 5.8 մլրդ դրամ հարկերով 10-րդ հորիզոնականում գտնվող «Ինտերնեյշնլ Մասիս Տաբակը», փաստորեն, այս տարի ամբողջ 3.7 մլրդ դրամ ավելի վճարելով՝ դարձել է հանրապետության 4-րդ հարկատուն, մեկ աստիճանով հետ մղելով «Գեոպրոմայնինգ Գոլդին»: Վերջինս անցած տարի առաջին կիսամյակում վճարել է 8.87 մլրդ դրամի հարկ: Փաստորեն, 2019-ի առաջին կիսամյակում ավելի քան 1 մլրդ դրամով ավելացրել է վճարած հարկերը: 2018-ի առաջին կիսամյակում վճարած 8.16 մլրդ դրամ հարկերով հինգերորդ հարկատու «Սի Փի Էյս Օյլը» այս տարի վճարած 4.03 մլրդ դրամով հանրապետության 15-րդ հարկատուն է: «Ֆիլիպ Մորիս Արմենիան» 2018թ. առաջին կիսամյակում վճարել է 8.15 մլրդ դրամի հարկ և 6-րդ հարկատուն էր: 7.68 մլրդ դրամով հանրապետության 7-րդ հարկատու հանդիսացող Սամվել Ալեքսանյանի «Ալեքս Հոլդինգը» տրոհվել ու «վերակազմակերպվել է» «Ալեքս Հոլդինգի», «Ալեքս Էնդ Հոլդինգի», «Սիթիի» և «Ալեքս Տեքստիլի»: Սրանցից «Ալեքս Էնդ Հոլդինգը» կարծես զբաղվում է միայն ներմուծումով և շաքարի արտադրությամբ, և վճարելով 3.33 մլրդ հարկ, հայտնվել է խոշոր հարկատուների ցուցակի 21-րդ հորիզոնականում: «Սիթին» 26-րդ հարկատուն է, որը ներկայացնում է «Երևան Սիթի» սուպերմարկետների ցանցը և վճարել է 3.76 մլրդ դրամի հարկ: «Ալեքս Հոլդինգը» իր վճարած 1մլրդ 746 մլն հարկերով 49-րդ հարկատուն է: «Ալեքս Տեքստիլը» իր վճարած 608 մլն դրամի հարկերով 146-րդ հարկատուն է: Փաստորեն, Սամվել Ալեքսանյանի ընկերությունները միասին վճարել են շուրջ 9.5 մլրդ դրամի հարկ, դրանով իսկ նա հանդիսանում է հանրապետության 4-րդ հարկատուն: «ՋԵՅ ԹԻ ԱՅ ԱՐՄԵՆԻԱ» ընկերությունը, որ 2018թ. առաջին կիսամյակում 8-րդ հարկատուն էր իր վճարած 7.08 մլրդ հարկերով, այս տարի վճարել է 4.9 մլրդ հարկ և 13-րդն է: Հայաստանի էլեկտրական ցանցերը (վճարել էր 7.08 մլրդ), որ 9-րդն էր, 700 մլն դրամ ավելի հարկ վճարելով դարձել է հանրապետության 6-րդ հարկատուն: «Ինտերնեյշնլ Մասիս Տաբակն» էլ, 3.6 մլրդ դրամով ավելացնելով վճարած հարկերը, 10-րդից դարձել է հանրապետության 4-րդ հարկատուն:

Ցուցակի հայտնությունն է հագուստի մեծածախ առևտրով զբաղվող (բացառությամբ տրիկոտաժե ներքնազգեստի) «Ակվիլոն Թրեյդ» ընկերությունը, որ 2016թ. առաջին կիսամյակում ընդամենը 1.3 միլիարդի հարկ էր վճարել, 2017-ի նույն ժամանակահատվածում՝ 533 մլն դրամ ու 138-րդ հարկատուն էր, անցած տարի՝ 731 մլն դրամով 110-րդն էր ու այս տարի գրեթե տասնապատկելով հարկային մուտքերը՝ հայտնվել է 10 խոշոր հարկատուների շարքերում:

Փաստորեն, մի կողմից, հավաքագրումների տեմպերի անկում է արձանագրվել, մյուս կողմից՝ թվային արտահայտությամբ աճը ապահովվել է հիմնականում առաջին երեք խոշոր հարկատուների հաշվին: Իսկ, մեծ հաշվով, Հայաստանի հազար խոշոր հարկատուների վճարած հարկերի գրեթե 10%-ը ապահովում են Վարդանյան եղբայրների ընկերությունները:

Բաժիններ
Ուղիղ
Լրահոս
Որոնում