Հռոմի քաղաքային ոստիկանությունը զբոսաշրջիկներին արգելել Է նստել Իսպանական սանդուղքի աստիճաններին: Ինչպես նշել Է TGCOM24 հեռուստաալիքը, խախտման համար տուգանքները կտատանվեն 250-ից մինչեւ 400 եվրոյի սահմաններում: Այժմ սանդուղքին կհերթապահեն ոստիկանները: Հուլիսի կեսերին համանման միջոցներ են ժամանակավորապես սահմանվել Տրեւի շատրվանի մոտ:
Զբոսաշրջիկների չափից դուրս կուտակման պատճառով տեսուչները մարդկանց ցրել են մարմարե սպիտակ աստիճաններից, որոնք տանում են դեպի շատրվանը, եւ մի քանի ժամով փակել հուշարձանի մուտքը: Սանդուղքը, որը կառուցվել Է Հռոմի Բենեդիկտոս XIII պապի պատվերով եւ բացվել Է քրիստոնեության համար հոբելյանական 1725 թվականին, ամբողջացրել Է Իսպանիայի հրապարակի ճարտարապետական անսամբլը, որն այդպես Է կոչվել Վատիկանի օրոք այդտեղ Իսպանիայի դեսպանատան գտնվելու պատմական տեղի կապակցությամբ: Սուրբ Երրորդության եկեղեցին, դեպի ուր տանում են ավելի քան 130 աստիճանները, կառուցվել Է Պինչո բլրի գագաթին 140 տարի շուտ: «Բարկաչչա» («Մակույկ») շատրվանը, որը գտնվում Է սանղուղքի հենց հիմքի մոտ, հայտնվել Է 1629 թվականին: Իսպանական սանդուղքը հռչակվել Է անգլիացի ռոմանտիկ բանաստեղծների կողմից եւ հոլիվուդյան «Հռոմեական արձակուրդներ» (1953) ֆիլմում: XX դարում սանդուղքը հաճախակի օգտագործվել Է նորաձեւության ցուցադրությունների համար, որովհետեւ Իսպանիայի հրապարակի շուրջը գտնվում են Իտալիայի առաջատար նորաձեւության տների խանութները: Ամեն գարուն աստիճանները զարդարվում են ծաղիկներով, հաղորդել Է ՏԱՍՍ գործակալությունը: