Իտալիայի գերագույն վճռաբեկ դատարանը օգոստոսի 6-ին Լիգա կուսակցության նախկին ղեկավարության՝ խոշոր չափերի խարդախության գործով վերջնական վճիռ է կայացրել՝ հաստատելով հօգուտ պետության կուսակցության միջոցներից 49 մլն եվրո առգրավելու անհրաժեշտությունը։ Այս մասին հաղորդում են տեղական ԶԼՄ-ները։
Սակայն Իտալիայի գերագույն դատական ատյանը վաղեմության ժամկետի ավարտի հետ կապված ազատ է արձակել գործով անցնող երկու անձի՝ Լիգայի հիմնադիր և նախկին առաջնորդ Ումբերտո Բոսիին և կուսակցության նախկին գանձապահ Ֆրանչեսկո Բելսիտոյին։ Վերջինները քրեական պատասխանատվության են ենթարկվել խարդախության համար։
Բելսիտոն այժմ մեղադրվում է միայն միջոցներ ապօրինի յուրացնելու մեջ, ինչի հետ կապված գործը կփոխանցվի Ջենովայի Վերաքննիչ դատարան։
