Լուրեր
«Սևան Ստարտափ Սամմիթն» ընտանիքի ամենաաստղով երեխան է. «Ստարտափ Արմենիա» հիմնադրամի նախագահ
  • 10:15
  • 2019-08-06
  • Դիտումներ՝ *

«Սևան ստարտափ սամիթն» այս տարի հյուրընկալել է շուրջ հազար ներդրողների աշխարհի ամենատարբեր անկյուններից։ «Սևան ստարտափ սամիթի» շրջանակներում ընտրվել է շուրջ 120 ստարտափեր ավելի քան 1000 հայցադիմումներից։ Հայաստանի ՏՏ էկոհամակարգի համար բացառիկ այս միջոցառման մասին «Առաջին լրատվական»-ը զրուցել է «Ստարտափ Արմենիա» հիմնադրամի նախագահ Հակոբ Հակոբյանի հետ։

«Ստարտափ Արմենիա» հիմնադրվել է 2015 թվականին, որի նպատակն է այս ՏՏ էկոհամակարգի համար աջակցել նորաստեղծ ստարտափերին, գտնել հետաքրքիր գաղափարներ, որոնք ոլորտի համար զարգացում և առաջխաղացում կունենան։

Այս հինգ տարիների ընթացքում ի՞նչ հաջողություններ են գրանցվել այդ ձևաչափում այդ նոր ստարտափերի մեջ․ «Առաջին լրատվական»-ի հարցին Հակոբ Հակոբյանը պատասխանեց․ «Մենք 2015-16 թվականներից սկսել ենք ինտենսիվորեն նախագծեր իրականացնել, որոնք տարբեր թիրախներ ունեն, բայց գլխավոր նպատակը մեկն է․ հայկական ստարտափ էկոհամակարգն ակտիվացնել։ Իրականում, վերջին տարիներին ստարտափ էկոհամակարգում մի շարք թիմեր ինտենսիվ աշխատանք են տանում, և փաստացի կարող ենք ասել, որ մենք աճի տեմպերով ուրախանալու բան ունենք․ ունենք մի շարք աքսելատորներ, ինկուբատորներ։ «Ստարտափ Արմենիայի» հաջողություններից մեկը «Սևան ստարտափ սամիթն» է»։

Բայց «Սևան ստարտափ սամիթն» ամենահաջողվա՞ծն  է․ «Առաջին լրատվական»-ի հարցին Հակոբ Հակոբյանը պատասխանեց․ ««Սևան ստարտափ սամիթն» ընտանիքի ամենաաստղով երեխան է։ Գրեթե բոլոր տեսակետից նախագծերն ինձ համար նույն կարևորությունն ունեն, ուղղակի «Սևան ստարտափ սամիթը» մի քիչ ավելի շատ, այսպես ասած, հասարակական հնչեղություն ունեցավ։ Կարծում եմ, որ արժեր, որովհետև այս նախագիծն ունի այդ էներգետիկան, որ իր հանդեպ այս վերաբերմունքը լինի»։

 

 

Մանրամասները՝ տեսանյութում։

  • Դիտումներ՝ *