ԱՄՆ նախագահ Դոնալդ Թրամփը հայտարարել է, որ «ֆեյք նորությունները» նպաստում են ԱՄՆ-ում զայրույթի կուտակմանը, հաղորդում է «ՌԻԱ Նովոստին»:
«Լրատվամիջոցները պատասխանատու են մեր երկրի անվտանգության համար: Ֆեյք նորությունները զգալի չափով նպաստում են երկրում զայրույթի կուտակմանը: Լրատվամիջոցներում լուսաբանությունը պետք է լինի արդար, հավասարակշռված և անաչառ»,- Twitter-ում գրել է Թրամփը:
Շաբաթ օրը հրաձգություն է տեղի ունեցել Տեխաս նահանգում Walmart խանութում: Հարձակման արդյունքում 20 մարդ է զոհվել, 26-ը՝ վիրավորվել: Նրանցից շատերը ծանր վիճակում են: Տեխասի նահանգապետ Գրեգ Էբոտի խոսքերով, հրաձգություն կազմակերպած անձին բռնելու օպերացիան տևել է 21 րոպե: Ավելի ուշ մեկ այլ միջադեպ է տեղի ունեցել Օհայո նահանգում, ինչի արդյունքում 10 մարդ է զոհվել, ևս 27-ը վիրավորվել: Ոստիկանությունը հայտնել է, որ հրաձիգը ոչնչացվել է 1 րոպեում: