Տարեց մի կին, որը տառապում Էր ուռուցքային հիվանդությամբ, դարձել Է Ավստրալիայի առաջին բնակիչը, որն օգտվել Է Էվթանազիայի իրավունքից: Այդ մասին հայտնել Է ABC հեռուստաալիքը:
Հունիսին ավստրալական Վիկտորիա նահանգում պաշտոնապես ուժի մեջ Է մտել այն օրենսդրությունը, որն օրինականացնում Է Էվթանազիան: Վիկտորիան դարձել Է երկրի առաջին նահանգը, որտեղ օրինականացված Է Էվթանազիան:
Ինչպես հայտնել են 61-ամյա Քերի Ռոբերտսոնի դուստրերը, իրենց մայրն առաջինն Է դարձել, ով օգտվել Է նոր օրենքից: Կինը բժիշկների օգնությամբ կյանքից հեռացել Է հուլիսի 15-ին Բենդիգո քաղաքի ծերանոցում:
«Մենք նրա կողքին Էինք, հնչում Էր Դեւիդ Բոուիի երգը, նա սիրով Էր շրջապատված, նրա վերջին խոսքերը շատ պարզ Էին, բայց արժանապատվորեն ասված»,-պատմել են կնոջ զավակները: Վիկտորիայի նահանգում Էվթանազիա իրականացնելու համար պացիենտը պետք Է համապատասխանի 68 կետի:
Նահանգի վարչապետ Դենիել Էնդրյուսի խոսքով՝ սահմանափակումները կիրառվում են՝ համոզվելու, որ համակարգը ճիշտ Է աշխատում: Կառավարությունն սպասում Է, որ այս տարի Էվթանազիայի ծառայություններից օգտվելու թույլտվություն կկարողանա ստանալ 12 մարդ:
