Ավստրալիայի Կանբերա քաղաքի հետազոտողների խումբն ստեղծել Է արդյունաբերական թափոնների վերամշակման հեղափոխական մեթոդ: Ինչպես հայտնել Է Ավստրալիայի ազգային համալսարանի մամուլի ծառայությունը, որի հիմքի վրա կատարվել Է նոր մեթոդի մշակումը, գիտնականներին հաջողվել Է ստանալ Էկոլոգիապես մաքուր պարարտանյութեր՝ որպես վերջնական արգասիք։
Թափոնների վերամշակման նոր տեխնոլոգիայի ստեղծումը դարձել Է հիշյալ համալսարանի եւ Գիտական եւ կիրառական հետազոտությունների պետական միավորման(CSIRO) համատեղ ծրագրի մի մասը: Հետազոտողների խումբը համոզված Է, որ դրա իրականացման ընթացքում ձեռք են բերվել վիթխարի հաջողությոններ: Խմբի գիտական ղեկավար դոկտոր Լի Ալիսանդրատոսի խոսքով՝ նոր մեթոդը թույլ Է տալիս հավաքել արդյունաբերական աղտոտիչները (ամոնիակը եւ ածխաթթվական գազը) ջրից եւ օդից եւ դրանցից ստանալ սկզբունքորեն նոր նյութ. Էկոլոգիապես մաքուր եւ շատ արդյունավետ պարարտանյութեր:
Ներկայում Ալիսանդրատոսի մեթոդն անցնում Է տնտեսական փորձաքննություն, որը կգնահատի ծրագրի առեւտրային բաղադրիչը, ինչից հետո խումբը մտադիր Է ձեռնամուխ լինել ընդգրկուն փորձարկումների ամբողջ Ավստրալիայի տարածքում։