ԱՄՆ-ում աղբահավաք բանվորները աղբանոցում գտել են կոշիկի տուփ, որի մեջ եղել է 23000 դոլար՝ հայտնում է The Press Democrat-ը։
Ինչպես պարզվել է, տուփի տերը պատահաբար նետել է այն, բայց հետո հասկացել է իր սխալը: Նա անմիջապես կապվել է ընկերության հետ, որն աղբահանության ծառայություններ է մատուցում Վաշինգտոնում, Օրեգոնում և Կալիֆոռնիայում: Ընդհանուր առմամբ գրասենյակը սպասարկում է ավելի քան մեկ միլիոն տուն:
Տուփի խուճապահար տիրոջ բախտը բերել է․ գումարը վերադարձրել են։ Իսկ ահա ընկերության աշխատակիցների բախտը չի բերել․ նրանց անհանգստացնում են հարյուրավոր մարդիկ, որոնք փնտրում են կորցրած թանկարժեք իրերը։