ՀՀ ԱԻՆ-ից հայտնում են, որ օգոստոսի 3-ին՝ ժամը 13:00-ին, «911» ծառայությանն ահազանգ է ստացվել, որ Դիլիջան-Գոշավանք ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Ըստ նախնական տեղեկության՝ 8 հոգի հոսպիտալացվել է Դիլիջանի ԲԿ:
Կտրվի լրացուցիչ տեղեկություն:
Shamshyan.com-ի հաղորդմամբ՝ վթարի հետևանքով վնասվածք է ստացել 18 մարդ: Ըստ կայքի՝ ավտոմեքենայի վարորդը Դիլիջան-Ճամբարակ ավտոճանապարհի Գոշ գյուղի վարչական տարածքում դուրս է եկել ճանապարհի երթևեկելի գոտուց, բախվել բետոնե սյուներին և առաջ ընթանալով՝ հայտնվել ձորակում։
Նշվում է, որ ավտոմեքենայում եղել է Կոտայքի մարզի Գառնի գյուղի մանկապարտեզի կոլեկտիվը: Ավտոբուսում եղել է 25-ից ավելի ուղևոր։