Նախքան հեղափոխությունը պետական մարմինների գործառույթները ֆիքսված էին, բայց միշտ չէ, որ կիրարկվում էին կամ ընտրովի էին կիրարկվում: Վարչապետ Նիկոլ Փաշինյանը նույնպես իր հարցազրույցում սրան անդրադարձավ: Ի՞նչ ունեինք այս առումով մինչ հեղափոխությունը և հեղափոխությունից մեկ տարի երեք ամիս անց Կրթության տեսչական մարմնում:
«Առաջին լրատվական»-ի այս հարցին ի պատասխան՝ Կրթության տեսչական մարմնի ղեկավար Ալեքսանդր Շագաֆյանը մասնավորապես նշեց. «Մենք, որպես տեսչական մարմին, առաջնային խնդիր ենք համարում եղած օրենսդրությունը համապատասխանեցնել նոր իրողություններին: Իրականում տեսչական աշխատանքի բարեփոխումն սկսվել է դեռևս 2009 թ., տրամաբանական ավարտին է հասել2014 թ. «Տեսչական մարմնի մասին օրենքի» ընդունմամբ: Մենք այսօր ունենք 6 տեսչական մարմին, որոնց թվում՝ նաև մենք, որ կառավարության ենթակայությամբ մարմիններ ենք»:
Նա ասաց, որ տեսչական մարմինների միջև առավելագույն հստակեցում է իրականացվել, յուրաքանչյուրը իր վերահսկողության հստակ տիրույթն ունի, նաև արդյունավետության հետ կապված ձեռքբերումներ կան, և որ Կրթության տեսչական մարմինը աշխատում է իր նպաստը բերել կրթության որակի բարձրացմանը:
Մանրամասները՝ տեսանյութում։