Այսօր՝ հուլիսի 31-ին, քննիչի որոշմամբ որպես խափանման միջոց ստորագրությամբ ազատ է արձակվել Երևանի բնակիչ 23-ամյա Սերգեյ Գրիգորյանը, որը կասկածվում է հուլիսի 30-ին իր կողմից վարած BMW մակնիշի ավտոմեքենայով Երևանի Նոր Նորք վարչական շրջանում հետիոտն՝ 24-ամյա Նորայր Պողոսյանին մահվան ելքով վրաերթի ենթարկելու մեջ։
Ինչպես հայտնում է Shamshyan.com-ը, վարորդ Ս. Գրիգորյանը ենթարկվել է սթափության փորձաքննության. պարզվել է, որ նա եղել է սթափ։
Հիշեցնենք, որ վրաերթի ենթարկվածը ծայրահեղ ծանր ախտորոշմամբ տեղափոխվել էր «Սուրբ Գրիգոր Լուսավորիչ» բժշկական կենտրոն, որտեղ գիտակցության չգալով, մահացել էր։
Ս․ Գրիգորյանը, որն ինքնակամ ներկայացել էր ոստիկանություն, դեպքի վայրից տեղափոխվել էր Նոր Նորքի բաժին, քանի որ մի քանի անձինք փորձել էին հաշվեհարդար տեսնել նրա հետ։
Ամբողջությամբ`սկզբնաղբյուր լրատվամիջոցում: