Ռուսաստանում (Չեչնիա) դեռահասին ստիպել են հրապարակավ ներողություն խնդրել սոցցանցերում իշխանություններին քննադատելու համար: Սյուժեն ցուցադրվել է Գրոզնիի հեռուստատեսությամբ՝ գրում է fakty.ua-ը:
16-ամյա Մագոմեդ Ախմատովը եթերում ներողություն է խնդրում և ասում, որ հավատացել է նրանց, ովքեր ապրում են Եվրոպայում և Սիրիայում, և գրել է բաներ, որոնք իրականում չկան: Չեչնիայի մուֆթին Ախմատովին նկատողություն է՝ անում տպագիր մեկնաբանությունների մի ամբողջ թղթապանակ ձեռքին, նրա մայրն ու հորեղբայրը ասում են, որ չեն հետևել, Ռամզան Կադիրովը պահանջում է ավելի շատ աշխատանք տանել սոցցանցերում:
Սոցցանցերում պատանին Չեչնիայի իշխանություններին մեղադրել է հավատուրացության և կոռուպցիայի մեջ: «Ես ձեզանից կգողանամ ձեր միլիարդները և ձեզ էլ 50 բնակարան կտամ», – գրել է նա մեկնաբանությանություններից մեկում:
Չեչենական հեռուստատեսությամբ դեռահասի մեղայականից երկու օր առաջ նրա մասին նշել է Չեչնիայի ղեկավար Ռամզան Կադիրովը: Մամուլի նախարարի հետ հանդիպման ժամանակ Կադիրովը ասել է, որ տղան իրեն անվանել է քաֆիր (անհավատ), մուրթադ (հավատուրաց) և շատ այլ որակումներ է տվել:
Ըստ նյութի հեղինակի՝ Ախմատովը հայտնաբերվել է իրավապահ մարմինների օգնությամբ: Թե ինչ է սպասվում տղային, հայտնի չէ։
