Չինաստանում մահապատժի է ենթարկվել սերիական մարդասպանը, որի հանցագործությունների համար ավելի վաղ անմեղ մարդու են մահապատժի ենթարկել։ Այս մասին հաղորդում է «ՌԻԱ Նովոստի»-ն՝ վկայակոչելով տեղի դատախազությունը։
Նշվում է, որ հանցագործը մահապատժի է դատապարտվել 2015-ին։
Մինչ այդ 1996-ին մահապատժի է ենթարկվել 18-ամյա երիտասարդը, որին սխալմամբ մարդասպան են համարել և որին ներում են շնորհել միայն 2014-ին։
Նշվում է, որ դատապարտյալը մահապատժի է ենթարկվել հուլիսի 30-ին՝ դրանից առաջ հրաժարվելով հարազատների հետ հանդիպումից։
1996-2005-ին նա 6 սպանություն է գործել, 10 բռնաբարություն, ինչպես նաև երկու անչափահասի նկատմամբ սեռական բնույթի գործողություն կատարել։
