Միացյալ Թագավորությունը մերժել է Իրանի կողմից կալանված բրիտանական Stena Impero լցանավը Իսլամական Հանրապետության Grace 1 լցանավով փոխելու հնարավորությունը։ Այս մասին հայտարարել է Մեծ Բրիտանիայի ԱԳ նախարար Դոմինիկ Ռաաբը, փոխանցում է Reuters-ը։
Նրա խոսքով՝ իրավիճակը չի կարող հարթվել «ծառայություն ծառայության դիմաց» սկզբունքով։ Խոսքը ծովային միջազգային իրավունքին հետևելու մասին է։ Լոնդոնը հենց դա կպնդի։
Փոխանակման առաջարկով մի քանի օր առաջ հանդես է եկել Իրանի նախագահ Հասան Ռուհանին։
Դոմինիկ Ռաաբը նշել է, որ իրանցիներն ապօրինաբար են կալանել բրիտանական լցանավը։
«Եվ եթե նրանք իսկապես ցանկանում են, որ իրենց միջազգային հանրակցության պատասխանատու անդամներ ճանաչեն, ապա նրանց անհրաժեշտ է հետևել կարգերի վրա հիմնված միջազգային համակարգին՝ ազատ արձակելով Stena Impero-ի անձնակազմն ու նավը»,-ասել է Ռաաբը։