Գեղանկարիչ Կառլոս Սայադյանի կտավներում հիմնական հերոսը կիսամերկ կինն է` գերող նրբությամբ: «Կիսամերկ կինը գեղեցկություն է, պլաստիկա է… Փորձել եմ նկարչության մեջ գտնել իմ կինը, թե որքանով է ստացվել, դիտողները կարող են ասել… Արձագանքները վկայում են, որ շատերը հավանում են իմ աշխատանքները, բայց կան մարդիկ էլ, որոնք չեն հվանում, և ամենևին էլ պարտադիր չէ, որ ինչ-որ նկարում ես, բոլորը հավանեն: Ես դեմ եմ, որ միշտ գովում են»,- «Առաջին լրատվականի հետ զրույցում ասաց գեղանկարիչը:
Անդրադառնալով հարցին, թե արդյոք կանայք այսօր բավարար չափով ներգրավված են հանրային կյանքում և մասնակցում են տեղի ունեցող փոփոխություններին, երկրի զարգացմանը, նշեց. «Կանայք 90թ-ից հետո առաջին պլան մղվեցին, կանայք ավելի շուտ վարժվեցին փոփոխություններին, քան տղամարդիկ, քանի որ նրանք ավելի ճկուն են, քան տղամարդիկ: Միգուցե գյուղերում մի քիչ այլ իրավիճակ է, բայց Երևանում նորմալ վիճակ է:
Կանայք առայժմ քաղաքական կյանքում քիչ դերակատարում ունեն. Ժողովուրդը կամաց կամաց կվարժվի ընդունելու կնոջ դերը քաղաքականության մեջ, կանայք մի քիչ պահպանողական են, բայց նոր սերունդը այդ մոտեցումը ճիշտ է համարում»:
«Մեզ մոտ մտածողությունը չի փոխվել, դրա համար ժամանակ է պահանջվում,- ընդգծեց գեղանկարիչը, նրա խոսքով՝ խնդիրը մարդու մեջ է. «Մենք սովորել ենք ազատ չլինել: Երբ մեզ ազատություն տրվեց, մենք խուճապի մատնվեցինք… Իշխանության կողմից արագ քայլեր պետք է ձեռնարկվեն, բայց դա ժողովրդից էլ է գալիս, եթե ժողովուրդը իր մտածելակերպը չփոխեց, եթե մարդը չդարձավ քաղաքացի, բարդ է լինելու»:
Մանրամասն՝ տեսանյութում:
