Աշխարհը պետք է շնորհակալությամբ ընկալի Իսլամական հեղափոխության պահապանների զորակազմի (ԻՀՊԶ, Իրանի զինված ուժերի ընտիր զորամասեր) ջանքերը Հորմուզի նեղուցում ծովային ուղիների պաշտպանության ուղղությամբ: Հուլիսի 24-ին այդ մասին հայտարարել է Իրանի նախագահ Հասան Ռոհանին հանրապետության նախարարների խորհրդի նիստում:
«Ամբողջ աշխարհը պետք է շնորհակալ լինի Հորմուզի նեղուցի պահպանության և այնտեղ անվտագության ապահովման՝ ԻՀՊԶ-ի ջանքերին»,- նշված է Ռոհանիի հայտարարության մեջ, որը զետեղված է նրա պաշտոնական կայքում: Նախագահը նաև հայտարարել է, որ հուլիսի 19-ին բրիտանական լցանավի կալանումն իրականացվել է «տպավորիչ ճշտորեն և պրոֆեսիոնալ»:
Ռոհանին նշել է, որ Իրանը չի ձգտում տարածաշրջանում լարվածության սաստկացման, սակայն «ոչ մեկին թույլ չի տա խախտել Պարսից ծոցի և Հորմուզի նեղուցի անվտագնությունը»: Նրա խոսքով՝ եթե ամերիկայն անօդաչուները կրկին խախտեն Իրանի օդային տարածությունը, պատասխանը նմանօրինակ կլինի նախկինին, հաղորդել է ՏԱՍՍ-ը: