ԱՄՆ-ն անցած շաբաթ հնարավոր է խոցել է ոչ թե մեկ, այլ Իրանի բանակի երկու անօդաչու սարքեր: Այս մասին հայտարարել է ԱՄՆ զինված ուժերի կենտրոնական հրամանատարության ղեկավար, գեներալ Քենեթ Մաքենզին՝ CBS-ին տված հարցազրույցում:
Նա նաև ասել է, որ ԱՄՆ զինված ուժերը ռումբեր չեն օգտագործել, այլ էլեկտրամագնիսական ազդակ, որն անջատել է թշնամու սարքերի էլեկտրոնիկան: Նավաստիները չեն տեսել, թե հատկապես որտեղ է ընկել դրոնը, բայց հետևել են դրա անկմանը:
Հուլիսի 19-ին Իրանի ԱԳՆ-ն հայտարարել է, որ Թեհրանը տեղեկություններ չունի անօդաչուի կորստի վերաբերյալ:
Մինչ այդ, ԱՄՆ նախագահ Դոնալդ Թրամփը Թեհրանի գործողությունները միջազգային ջրերում թշնամական է անվանել և կոչ է արել մյուս երկրներին դատապարտել նրանց:
