Բորիս Ջոնսոնը հաղթել է Պահպանողական կուսակցության նոր առաջնորդի և Բրիտանիայի վարչապետի պաշտոնի համար մրցավազքում:
Այս որոշումն ընդունել են Պահպանողական կուսակցության անդամները:
Պաշտոնապես Ջոնսոնը պոստը կզբաղեցնի հուլիսի 24-ից:
Պահպանողական կուսակցության նոր առաջնորդի և Մեծ Բրիտանիայի վարչապետի պոստի համար պայքարել են երկու թեկնածուներ՝ նախկին արտգործնախարար Բորիս Ջոնսոնն ու ներկայիս արտաքին գործերի նախարար Ջերեմի Հանթը: Մնացած 8 հավակնորդները մրցավազքից դուրս են մնացել ավելի վաղ փուլերում:
Ջոնսոնը հավաքել է 92.153 ձայն՝ Հանթի 46.656-ի դիմաց:
Ավելի վաղ հաղորդվել էր, որ Ջոնսոնը, հաղթանակի դեպքում, պաշտոնից կհեռացնի արտաքին գործերի գերատեսչության գործող ղեկավար Ջերեմի Հանթին:
