2019-ի հունվար-ապրիլ ամիսներին Ռուսաստանում բնակչության միգրացիոն աճը կտրուկ աճել է և գերազանցել նախորդ 10 տարիների ցուցանիշները: Միևնույն ժամանակ, աշխատաշուկայում լեգալ միգրանտների տեսակարար կշիռը նվազել է, ասվում է Գայդարի ինստիտուտի մոնիտորինգում, որը «Իզվեստիա»-ի տրամադրության տակ է:
2019 թ.-ի սկզբին բնակչության միգրացիոն աճը կազմել է 98 հազար մարդ: 2018 թ.-ի նույն ժամանակահատվածում այդ ցուցանիշը կազմել է 57.1 հազար մարդ: Միևնույն ժամանակ, մեկնողների քանակը գրեթե անփոփոխ է մնացել, այսինքն, աճն ապահովվել է ժամանողների թվաքանակի ավելացումով:
Ամենից շատ մեծացել է Հայաստանից և Ուկրաինայից ժամանած միգրանտների թիվը: Միգրացիոն աճը Բելառուսից և Մոլդովայից, ընդհակառակը, նվազել է, նշել են Գայդարի ինստիտուտում:
2019 թ.-ի հունիսի 1-ի դրությամբ Ռուսաստանում են գտնվել 4.4 միլիոն աշխատանքային միգրանտներ (մարդիկ, որոնք այցի նպատակը նշել են վարձու աշխատանքը), 0.2 միլիոնով ավելի, քան մեկ տարի առաջ նույն ժամանակահատվածում: Նրանց 97%-ը ԱՊՀ երկրներից է:
Միգրանտներին ձգող կենտրոնները, ինչպես և նախորդ տարիներին, մնում են Մոսկվայի և Սանկտ Պետերբուրգի տարածաշրջանները, ինչպես նաև Կրասնոդարի երկրամասը:
