Լողալ, արևայրուք ընդունել և նույնիսկ սերֆինգով զբաղվել այժմ կարելի է «Ֆուկուսիմա-1» ատոմակայանի կողքին, որտեղ ութ տարի առաջ լուրջ վթար է տեղի ունեցել: ԱԷԿ-ի կողքին լողափը կրկին բաց է այցելուների համար, հաղորդում է Japan Times-ը:
Kitaizumi Beach-ը բաց է հանրության համար: Այստեղ արդեն վոլեյբոլի և սերֆինգի մրցումներ են անցկացվել: Մարզիկները միտումնավոր են ընտրել այս վայրը, որպեսզի ապացուցեն, որ տարածքում ճառագայթում չկա: Չի բացառվում, որ Kitaizumi-ին շուտով նաև միջազգային մրցույթների անցկացման վայր դառնա:
Փորձագետները լողափի ռադիացիոն վիճակը ստուգել են մայիսին: Այդ ժամանակ սարքերը ցույց են տվել, որ ջրում և օդում ճառագայթման մակարդակը նույնն է, ինչ եղել է վթարից առաջ:
«Ֆուկուսիմա -1» ատոմակայանում վթարը տեղի է ունեցել 2011 թ.-ի մարտի 11-ին: Այդ ժամանակ Ճապոնիան տուժել է պատմության մեջ ամենաուժեղ երկրաշարժից և դրան հաջորդած ցունամիից: Տարերային աղետների հետևանքով անջատվել են էլեկտրամատակարարման սարքավորումները: Դրա պատճառով դադարել են աշխատել ինչպես ստանդարտ, այնպես էլ արտակարգ իրավիճակների հովացնող համակարգերը: Ռեակտորների ակտիվ գոտին հալվել է: Տեղի են ունեցել ջրածնի պայթյուններ առաջին երեք էներգաբլոկներում:
