Գերմանիայի կանցլեր Անգելա Մերկելը հայտարարել է, որ կարող է շարունակել Գերմանիայի կառավարության ղեկավարի լիազորությունների կատարումը, հաղորդում է ՏԱՍՍ-ը:
Մերկելը նշել է, որ ի վիճակի է կատարել իր վրա դրված պարտականությունները: Նրա խոսքերով, առողջական վիճակը թույլ է տալիս նրան զբաղեցնել իր պաշտոնը:
Այնուամենայնիվ, Մերկելը հույս ունի, որ 2021 թ.-ին իր պաշտոնավարման ժամկետի ավարտից հետո «այլ կյանք կունենա»:
Ավելի վաղ հաղորդվել էր, որ Մերկելի մոտ հազվագյուտ և քիչ ուսումնասիրված հիվանդություն է հայտնաբերվել՝ օրթոստատիկ սարսուռ: Այս հիվանդության պատճառով Գերմանիայի կանցլերը դողի նոպաներ է ունեցել հասարակության մեջ: