Ղրիմի թաթարների խուրալը մոտ ապագայում կհավաքվի՝ լուծելու ղրիմի թաթարների ինքնորոշման հարցը՝ հայտարարել է Ղրիմի թաթարների մեջլիսի նախագահ Ռեֆատ Չուբարովը:
«Մենք երբեք չենք հրաժարվել ինքնորոշման մեր իրավունքից: Թե ինչ ձևով ու ինչ կերպ մենք այն կիրականացնենք, ապագայում կորոշենք: Մենք շուտով հավաք կհայտարարենք»,- «Զերկալո նեդելի» պարբերականին տված հարցազրույցում ասել է նա՝ պատասխանելով 1944թ. կորցրած ազգային ինքնավարության վերստեղծման մասին հարցին:
Չուբարովը նաև իր կարծիքն է հայտնել՝ կապված անցկացված հանրաքվեի հետ: «Ինչ վերաբերում է «հանրաքվեին», ապա հարկավոր է ասել, որ սկսած դրա նախապատրաստման մաքրությունից մինչև ազգերի իրավունքի խաղը, դա եղել է պարզապես շատ մեծ գործիք ինքնորոշման համար, դա պարզապես անազնիվ, կեղտոտ ու հիմար խաղի շատ մեծ գործիք էր: Ղրիմի թաթարներն ամեն դեպքում կմնան իրենց հողի վրա, իրենք անձամբ կորոշեն իրենց ճակատագիրը, մոտեցող իրականությունում իրենց զարգացումը՝ ելնելով բնիկ ժողովրդի՝ իր հողում ինքնորոշվելու իրավունքից»,- նշել է նա:
Նշենք, որ Ղրիմի թաթարների Մեջլիսի առաջնորդ Մուստաֆա Ջեմիլևը Ղրիմի ռուսական իշխանությունների կողմից թերակղզու տարածքում հայտարարվել է պերսոնա նոն գրատա:
