Օրերս Տիգրան Պասկևիչյանը սեփական դիմումի համաձայն՝ ազատվել էր Հանրային հեռուստառադիոընկերության խորհրդի նախագահ Արա Շիրինյանի խորհրդականի պաշտոնից: Երեկ նա բաց նամակ է հղել Ա. Շիրինյանին, որին Շիրինյանը պատասխանել է իր ֆեյսբուքյան էջում: Թեմայի շուրջ «Առաջին լրատվական»-ի հետ զրույցում «Հայեր» մեդիահարթակի գլխավոր խմբագիր Արայիկ Մանուկյանը նշեց, որ թեև Հանրայինի և այնտեղ ստեղծված իրավիճակի մասին միշտ խոսել է, բայց այժմ չի խոսի, մինչև չլրանա Արա Շիրինյանի պաշտոնավարման 100 օրը:
«Միայն կարող եմ ասել, որ համաձայն եմ Տ. Պասկևիչյանի դիտարկումների հետ, և գրեթե ամբողջովին համաձայն չեմ Ա. Շիրինյանի պատասխանի հետ»,- նշեց խմբագիրը:
«Ես հեղափոխական լուծումների կոմնակից եմ, մենք ինստիտուցիոնալ լուծումներ պետք է տանք, չեմ կարծում տարիներ շարունակ պետք է սպասենք, որ տարբեր ոլորտներում համակարգային փոփոխություններ լինեն: Եթե որոշ ժամանակ անց հասարակությունը չտեսնի ռեալ փոփոխություններ, մենք կկորցնենք հեղափոխական ռեսուրսը, որ ունեինք, և դա կարող է բերել ցավալի հետևանքների: Չեմ կարծում, թե դժվար է իրականացնել հեղափոխական փոփոխություններ»,-ընդգծեց Ա. Մանուկյանը:
Մանրամասն՝ տեսանյութում: