Մարդասպանի զոհը եղել է ազգությամբ հայ, 42-ամյա Արսենը (բոլոր անունները փոխված են): Իսկ պատմությունը սկսվել է 2017 թվականին, երբ Արսենի ապագա սիրուհին՝ Ելենան, բաժանվել է իր ամուսնուց՝ Դանիելից:
Ամուսիններն ունեցել են մի ընդհանուր որդի, որ մնացել է իր մոր հետ: Հայրը փորձել է վերադառնալ ընտանիք և երբ հասկացել է, որ անհնար է, ցանկացել է երեխային վերցնել: Ըստ նրա կնոջ՝ ինքը չի արգելել նրան հանդիպել տղային, և դատարանը որոշել է, որ երեխան մնա իր մոր հետ:
Անցյալ տարվա սկզբին Ելենան հանդիպել է Արսենին: Դանիելին դուր չի եկել կնոջ նոր ընկերը, և, ըստ Ելենայի, նախկին ամուսինը սկսել է սպառնալ նրան: Երեքշաբթի օրը Արսենը տուն է ունեկցել Ելենային և նրա որդուն, երբ նա դուրս է եկել Ելենայի բնակարանից, շենքի մուտքի մոտ նրան դիմավորել է Ելենայի նախկին ամուսինը և կրակ է արձակել հրազենից։
