ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքի ոչ մի անդամ Թուրքիան ՆԱՏՕ-ից հեռացնելու հարցը չի բարձրացրել։ Այս մասին նա հայտարարել է հուլիսի 17-ին, Ասփենյան անվտանգության ֆորումի շրջանակում։
«Թուրքիան ՆԱՏՕ-ի կարևոր անդամ է, և դաշնակիցներից ոչ ոք երբեք այդ հարցը չի բարձրացրել, որովհետ մենք հասկանում ենք՝ բոլորս կախված ենք միմյանցից»,-նշել էՍտոլտենբերգը՝ մեկնաբանելով Անկարայի՝ ռուսական S-400-ներ ձեռք բերելու ֆոնին դրությունը։
Նա հավելել է, որ S-400-ները հնարավոր չէ ինտեգրել «դաշինքի ՀՕՊ և ՀՀՊ համակարգերում», սակայն Թուրքիան նախկինի պես կարող է դրա մասը լինել՝ այլ հնարավորությունների տեսանկյունից։
«Նրանք ունեն ինքնաթիռներ, ռադիոլոկացիոն կայաններ, տարբեր այլ հնարավորություններ, որոնք շատ կարևոր են մեր ՀՕՊ և ՀՀՊ համակարգերի համար»,-ասել է Ստոլտենբերգը։
