2011 թ. հունվար-հունիս ամիսներին օդային ճանապարհով («Զվարթնոց» և «Շիրակ» օդանավակայաններ) Հայաստան է ժամանել 314,147, իսկ մեկնել` 377,584 մարդ։ Բացասկան սալդոն այս ամիսներին կազմել է 63,437 մարդ։
ՀՀ քաղաքացիական ավիացիայի գլխավոր վարչության հրապարակած տվյալների համաձայն` 2010 թ. նույն ամիսներին Հայաստան է ժամանել 313,219, իսկ մեկնել` 354,484 մարդ։ Բացասական սալդոն անցած տարի հունվար-հունիսին կազմել էր 41,265 մարդ։
Մեկնած և ժամանած ուղևորների թվի բացասական տարբերությունը 2011 թ. հունվար-հունիս ամիսներին 2010 թ. նույն ժամանակահատվածի համեմատ ավելի է 22,172-ով:
Դեռ վաղ է ասել, որ այս բացասական սալդոն արտահայտում է արտագաղթի իրական պատկերը, քանի որ սովորաբար տարեվերջին հաշվեկշիռը փոխվում է, և ժամանողների թիվն ավելի մեծ է լինում, քան մեկնողներինը:
Նշենք, որ օդային տրանսպորտով սահմանը հատողների տեսակարար կշիռն ուղևորափոխադրումների ընդհանուր ծավալում կազմում է միջինում 40-50 %: