Վերջին շրջանում բնապահպանական խնդիրների շքերթի ականատեսն ենք լինում։ Իսկապե՞ս բնապահպանական արհավիրքի կամ արհավիրքների առջև ենք կանգնած «Առաջին լրատվական»-ի հարցին բնապահպան Արթուր Գրիգորյանը պատասխանեց․ «Իմ գնահատմամբ՝ չկա կայացած մի քաղաքական միավոր, որը կարող է հասցեատերը լինել այս ամեն ինչի՝ վերցնել և կառուցողական քննադատությամբ պառլամենտարիզմի անցած երկրում տանել ինչ-որ քաղաքականություն։ Զուգահեռաբար, այս խնդիրները կվերցնեն միավորներ, որոնք ամենևին նպատակ չունեն կառուցողական քննադատությամբ հասնել ինչ-որ դրական արդյունքների, այլ պարզապես իշխանությանը վնաս տալու համար են անում այդ ամենը։ Այստեղ կա վակուում, թեև ընդդիմադիր դաշտում կան քաղաքական միավորներ, որոնց ես համակրում եմ, բայց, ամեն դեպքում, կարծում եմ, որ դեռ այնքան կայացած չէ ընդդիմադիր դաշտը, որ կարողանաս համապարփակ, ամբողջական գաղափարական մի պրոցես սկսել և դրա հասցեատերը ինչ-որ մեկը լինի, վերցնի և տանի առաջ։ Կստացվի նեղացկոտության նման ինչ-որ բան և ոչ մի իրական արդյունք չի տա։ Այդ խնդիրը միայն այն ժամանակ չէր, հիմա էլ կա այդ խնդիրը»։
Իսկ, ըստ ձեզ, որո՞նք են այն բնապահպանական խնդիրները, որոնք առաջնային են և օր առաջ պետք է լուծել «Առաջին լրատվական»-ի հարցին Արթուր Գրիգորյանը պատասխանեց․ «Ես մինչ բուն բնապահպանական խնդիրներն առանձնացնելը կուզեի նախ ասել, որ այդ խնդիրները, որքան էլ առանձնացնենք, դրանք չեն լուծվելու։ Ինչո՞ւ։ Օրինակ՝ սիգի հետ կապված, դրանք համակարգային կոռուպցիայի դրսևորումներ են, որոնք մնացել են նախկին իշխանություններից։ Ո՞րն է ինդիկատորը՝ կոռուպցիա կա, թե չկա։ Այս տարվա հունվար ամսին, երբ ես դեռ տեսչական մարմնի ղեկավարն էի, ոստիկանապետի մոտ ներկայացրել եմ այդ նույն սիգի պահածոները․ նախարարն է այնտեղ եղել, բարձրաստիճան այլ պաշտոնյաներ։ Նրանք վերցրեցին, ուսումնասիրեցին, գրառումներ արեցին, այսօր արդեն հուլիս ամիսն ենք, բայց ոչ մի պրոցես, կարծես թե ոչինչ չի եղել։ Եթե հարցին անդրադարձ լիներ, մենք կիմանայինք»։
Մանրամասները՝ տեսանյութում։
