Վրաստանում սադրանքները ուղղված են Ռուսաստանի կողմից վիզային ռեժիմի հնարավոր դյուրացմանը խոչընդոտելուն: Այդ մասին ռուս գործընկերների հետ հանդիպումից հետո ճեպազրույցի ժամանակ հայտարարել է Վրաստանի խորհրդարանի պատվիրակության ղեկավար, պատգամավոր Գեորգի Լոմիան:
Նրա խոսքով՝ ռեժիմի հնարավոր թուլացումը քննարկվել է Ռուսաստան-Վրաստան միջխորհրդարանական խմբի հանդիպումների ժամանակ:
«Վիզաների ռեժիմի թուլացումը: Սա շատ օգտակար կլիներ Վրաստանի համար: Բայց, ցավոք, այդ մասին իմացան (հակառակորդները): Երբ հայտնի դարձավ, որ վիզային ռեժիմը կթուլանա, մենք ստացանք այս խառնաշփոթը»,- ասել է Լոմիան՝ հավելելով, որ հենց այդ պատճառով էլ միջխորհրդարանական խումբը չի բարձրաձայնում իր նոր նախաձեռնությունների մասին: