Գերմանիայի նյարդաբանության և նյարդաբանաֆիզիոլոգիական կլինիկայի ղեկավար Ուվե Յանկեն վերջերս Գերմանիայի կանցլեր Անգելա Մերկելի ցնցումների մասին տեսանյութը և այլ մատչելի տվյալներ վերլուծելուց հետո ենթադրել է քաղաքական գործչի հիվանդության ախտորոշումը: Այս մասին գրում է «MK»-ն:
Յանկեի տվյալներով՝ ցնցումը կարող է լուրջ առողջական խնդիրների՝ Պարկինսոնի հիվանդության կամ ցրված սկլերոզի հետևանք լինել: Այնուամենայնիվ, մի շարք նրբերանգներ ենթադրում են, որ ամեն ինչ այնքան էլ վատ չէ։
Քանի որ ցնցումները սկսվում այն ժամանակ, երբ ֆրաու Մերկելը կանգնած է կամ քայլում է, կարող ենք ենթադրել, որ դա օրթոստատիկ սարսուռ է։ Այս հիվանդությունը վտանգավոր չէ, և կարելի է վերահսկել հատուկ դեղորայքով։
Առաջին անգամ Մերկելի առողջական խնդիրներն ի հայտ են եկել այս տարվա հունիսի 18-ին՝ Ուկրաինայի նախագահ Վլադիմիր Զելենսկու հետ հանդիպման ժամանակ։ Այդ ժամանակ նա ասաց, որ ջրազրկվել է, և երեք բաժակ ջուրը օգնեց նրան:
Սակայն ցնցումները կրկնվեցին հունիսի 27-ին՝ Գերմանիայի նախագահ Ֆրանկ-Վալտեր Շտայնմայերի հետ հանդիպման ժամանակ: Երրորդ ցնցումը Դանիայի վարչապետ Մետտե Ֆրեդերիկսի հետ բանակցությունների ժամանակ սկսվեց, երբ քաղաքական գործիչները օրհներգ էին լսում:
Ֆրաու Մերկելի պնդմամբ՝ ինքը գերազանց վիճակում է, սակայն ՔԴՄ-ի իշխող կուսակցությունը սկսել է խոսել Մերկելի վաղաժամկետ հրաժարականի մասին:
