Միջազգային «Ոսկե ծիրան» ամենամյա կինոփառատոնը Հայաստան է բերել նաև ամերիկահայ դերասանուհի, բեմադրող, գրող, պրոդյուսեր Նորա Արմանիին:
Շատ է խոսվում այն մասին, որ պետք է կանխել արտագաղթը և խրախուսել ներգաղթը: Այսօր մեր երկիրը գտնվում է բարդ փուլում, դժվարություններ են սպասվում: Ի՞նչը կարող է ստիպել սփյուռքահային՝ վերադառնալ, ապրել և աշխատել այստեղ: Անդրադառնալով այս հարցին՝ Նորա Արմանին նկատեց, որ կյանքն այսօր դժվարացել է աշխարհի ցանկացած երկրում. «Կյանքն ամեն տեղ է դժվարացել, ով կարող է ասել, որ լինի Ֆրանսիայում, Անգլիայում, թե մեկ այլ երկրում, որոևէ մեկի առջև անմիջապես դռները պիտի բացվեն, կարմիր գորգեր պիտի փռվեն, պայուսակով փողեր, մեքենա ու աշախատանք պետք է տան: Իսկ եթե պետք է կռվել, պայքարել ապրելու, առօրյայի համար, ապա ինչո՞ւ ոչ հայրենիքում…
Բայց դժվար է մի օր ու գիշերում ամեն ինչ առնել և վերադառնալ հայրենիք: Կարելի է երկքաղաքացիություն հաստատել, երկար ժամանակով գալ, մնալ հայրենիքում, և եթե բինես ունեն, բիզնեսի ճյուղ բացեն այստեղ, կեցության հարցի լուծումը կարելի է գտնել, եթե իղձ ու փափագ լինի այդ ուղղությամբ»:
Հեղափոխությունից հետո շատ է խոսվում, որ բացառիկ հնարավորություններ են ստեղծվել Սփյուռքի հետ հարաբերություններ կառուցելու համար: «Լավ է, որ թավշյա հեղափոխությունը եղավ, բայց ով էլ լինի, հնարավոր չէ, որ կախարդական փայտիկի մեկ հարվածով ամեն ինչ փոխվի, բայց տեսնում եմ շատ դրական փոփոխություններ,- նշեց Նորա Արմանին: -Մեզ համար կարևոր է երկրի տնտեսական վիճակի զարգացումը, բայց շատ կարևոր է նաև մտածելակերպի փոփոխությունը, զարգացումը: Այս հարցում թերանում ենք… Մշակույթի ոլորտում կան բաներ, որոնք հստակ չեն»:
Մանրամասն՝ տեսանյութում:
