Մերձմոսկովյան շրջանում նյարդաբանները հայտնաբերել են հիվանդի, որի գլխուղեղի ձախ կիսագունդը լիովին բացակայում է, հաղորդում է «Մոսկովսկի կոմսոմոլեցը»:
Ինչպես նշվում է, տղամարդը գլխուղեղի կեսով ապրել է ավելի քան 60 տարի:
Միևնույն ժամանակ, մեկ կիսագնդի բացակայությունը նրան չի խանգարել նորմալ կյանք վարել. նա բարձրագույն կրթություն է ստացել, ծառայել է բանակում, ինչպես նաև ընտանիք է կազմել՝ չիմանալով իր առանձնահատկության մասին:
Պարզաբանվում է, որ տղամարդուն հիվանդանոց են տեղափոխել տրանսիստորային իշեմիկ հարձակման պատճառով. նա ձեռքի և ոտքի շարժունակության հետ կապված խնդիրներ ուներ:
Համակարգչային տոմոգրաֆիա անցնելուց հետո բժիշկները հայտնաբերել են, որ տղամարդը ուղեղի միայն մեկ կիսագունդ ունի. նկարում ձախ կիսագնդի փոխարեն սև «փոս» էր:
Սակայն տղամարդու վիճակը շուտով կարգավորվել է և նա դուրս է գրվել հիվանդանոցից:
