Ադրբեջանական 1news.az-ի փոխանցմամբ՝ Ադրբեջանի նախագահ Իլհամ Ալիևը Բաքվում ընդունել է Ռուսաստանի արտգործնախարար Սերգեյ Լավրովին։ Հանդիպման ժամանակ Լավրովն Ալիևին է հանձնել Ռուսաստանի նախագահ Դմիտրի Մեդվեդևի ուղերձը, որն առնչվում է ղարաբաղյան հակամարտության կարգավորմանը։
Լավրովը նշել է. «Ես նախագահի առաջարկները հանձնում եմ Ձեզ։ Հուսով եմ, որ դրանց ուսումնասիրումից հետո Դուք կարձագանքեք այդ գաղափարներին։
Մի քանի օր անց պաշտոնական այցով Ռուսաստան կժամանի Ադրբեջանի արտգործնախարար Էլմար Մամեդյարովը։ Տեղի կունենա Ռուսաստանի և Ադրբեջանի միջև պետական սահմանի մասին պայմանագրի վավերացման փաստաթղթերի փոխանակում։ Կընդունվեն մի շարք որոշումներ, որոնք կնպաստեն մեր արտաքին քաղաքական համագործակցության ամրագրմանը»։
