ՌԴ նախագահ Վլադիմիր Պուտինը Եկատերինբուրգում ելույթի ժամանակ հայտարարել է, որ վրաց ժողովրդի հանդեպ հարգանքից ելնելով՝ Վրաստանի դեմ պատժամիջոցներ չէր սահմանի՝ գրում է ria.ru-ն:
«Հանուն լիարժեք հարաբերությունների վերականգնման ես ոչ մի այնպիսի բան չէի ձեռնարկի, որն էլ ավելի կբարդացներ մեր հարաբերությունները»,-ասել է նա:
Նա նաև մեկնաբանել է իրեն վիրավորած վրաց լրագրողի դեմ գործ հարուցելու գաղափարը:
«Քրեական գործ հարուցելը մեծ պատիվ կլինի, թող շարունակի լրատվությունը»,- ասել է Ռուսաստանի նախագահը:
Հիշեցնենք, որ Հուլիսի 9-ին Պետդուման միաձայն հայտարարություն է ընդունել, որով խորհուրդ է տվել կառավարությանը դիտարկել Վրաստանի դեմ սահմանափակող միջոցներ ձեռնարկելու հնարավորությունը: Ստորին պալատի խոսնակ Վյաչեսլավ Վոլոդինը նշել էր, որ խոսքը Վրաստանից գինու և հանքային ջրի ներմուծման արգելքի մասին է, ինչպես նաև դրամական փոխանցումների և այդ երկիր ուսաստանցների այցերի մասին։