Грузия Online-ի փոխանցմամբ՝ Վրաստանի պատրիարք Իլյա 2-րդը Эхо Москвы ռադիոկայանին տված հարցազրույցում հայտարարել է, որ Վրաստանն ու Ռուսաստանը չեն կարող թշնամիներ մնալ, քանի որ դա բնական չէ ո՛չ Վրաստանի, ո՛չ էլ Ռուսաստանի համար.
«Խելացի մարդիկ ասում են, որ, ծայրահեղ դեպքում, փակուղուց դուրս գալու երկու ելք կա. միմյանց ընդառաջ շարժվելը։ Դա անհրաժեշտ է, ես կարծում եմ, որ մենք պարտավոր ենք իրար ընդառաջ շարժվել։
Վրաստանը նախկինի նման խոր հարգանք է տածում Ռուսաստանի, նրա մշակույթի, պատմության, փիլիսոփայության նկատմամբ։ Ես կարծում եմ, որ Ռուսաստանը, ռուսները նույնպես հիշում են Վրաստանը։ Ոչ վաղ անցյալում ռուս ուղղափառ եկեղեցու ներկայացուցիչներից մեկն ինձ ասաց. «Մեզ պետք չէ Աբխազիան»։ Փառք Աստծո, որ այդպես է։ Մի՞թե կարելի է Վրաստանը փոխել Աբխազիայով։ Եվ, ընդհանրապես, ինչո՞ւ դա անել։
Մարդիկ բազմիցս իրենց ցավն են արտահայտում այն կապակցությամբ, որ 200 տարվա ընթացքում Ռուսաստանը չկարողացավ նկատել Վրաստանի սերն ու հարգանքը։ Ամեն դեպքում, ես կարծում եմ, որ, վերջիվերջո, մենք կճանաչենք, կվստահենք ու կհարգենք միմյանց։ Երկու ժողովուրդների միջև վստահությունը խախտվել է, սակայն ոչ վերջնականապես։ Դեռ ելք կա»։
