ԼՀԿ խմբակցության պատգամավոր Արման Բաբաջանյանը ֆեյսբուքյան իր էջում գրել է.
Լավ լուր սահմանապահ Նոր Ազնաբերդ գյուղի բնակիչներին
Նախօրեին Վայոց ձորի Նոր Ազնաբերդ սահմանապահ գյուղ այցելության ժամանակ պարզեցինք, որ ամառային գյուղատնտեսական աշխատանքները ժամանակին ավարտելու համար անհրաժեշտ է ԳՈՒԹԱՆ և ԽՈՏՀՆՁԻՉ։
Պարզվեց, որ երկուսն էլ առկա է երկրում։ Տրանսպորտային ծախսերը ներառյալ դրանք երկուսը հնարավոր կլինի ձեռք բերել և հասցնել մինչև Նոր Ազնաբերդ շուրջ 800 հազար դրամով։
Սփյուռքի՝ մասնավորապես Լոս Անջելեսի մեր հայրենակիցների օգնությամբ հնարավոր եղավ շատ կարճ ժամանակում հավաքել անհրաժեշտ գումարը, որի համար հայտնում եմ իմ անկեղծ շնորհակալությունը։