«Մամուլի հետ սուրճ» հաղորդման հուլիսի 8-ի հյուրը ԱԺ «Լուսավոր Հայաստան» խմբակցության պատգամավոր Աննա Կոստանյանն է։
Մեր զրուցակիցն անդրադարձավ հանգստյան օրերին տեղի ունեցած մահացու ելքով երկու վթարներին և նշեց՝ ճանապարհային երթևեկության ոլորտում հսկայական խնդիրներ կան, որոնք նույնիսկ օրենսդրական լուծման անհրաժեշտություն ունեն.«Վերջին մեկ տարվա հեղափոխական փոփոխությունները երթևեկության ոլորտում չեն արտացոլվել, նախկին իրավիճակը շարունակվում է, կհամարձակվեմ նաև ասել՝ ավելի սուր ձևով։ Ես նույնիսկ լսեցի, որ Առողջապահության նախարարը միտք է հայտնել, որ վարորդական իրավունքները հետ կանչվեն ու նոր որակավորում լինի՝ ինչ-որ առումով սա ճիշտ նախաձեռնություն կարող է լինել»։
Աննա Կոստանյանն ընդգծեց՝ արագության չափի իջեցումը խնդրի լուծում չի լինի.«Եթե քաղաքացին սովոր է անպատժելիությանը, չի վախենում, որ կտուգանեն՝ դա մեծ խնդիր լուծել չի կարող»։
Հարցազրույցն ամբողջությամբ՝ տեսանյութում
