Մեծ Բրիտանիայի լրատվամիջոցները պարզել են, թե ով է դառնալու արքայազն Հարիի և Մեգան Մարքլի որդու կնքահայրը:
Մասնավորապես, The Sun-ը կնքահոր ամենահավանական թեկնածու է հայտարարել Հարիի վաղեմի բարեկամ Չարլի վան Շտրաուբենզիին, որի հետ թագավորական ընտանիքի անդամն ընկերություն է անում դեռևս մասնավոր դպրոցից: Բրիտանիայի արքայազնը 2018-ին Վան Շտրաուբենզիի հարսանիքի փեսեղբայրն էր:
Բացի այդ, պարբերականը նշում է նաև դերասան Ջորջ Քլունիի և արքայազնի ևս մեկ ընկերոջ՝ Մարկ Դեյերոյի թեկնածությունները:
Լրատվամիջոցների առաջ քաշած կնքամոր թեկնածուների թվում են Հարիի դայակ Թիգի Փեթիֆերը, նրա եղբայր արքայազն Ուիլյամի կինը՝ Քեյթ Միդլթոնը և թենիսիստուհի Սերենա Ուիլյամսը:
Ավելի վաղ հաղորդվել էր, որ արքայազն Հարին, իբր, վիճաբանել է կնոջ հետ՝ Արչիի մկրտության պատճառով:
