«Հայաստանում ներկայումս սահմանադրական ճգնաժամ է։ Դա միանշանակ է»,- «Առաջին լրատվական»-ի հետ զրույցում ասաց ՀԱԿ փոխնախագահ Լևոն Զուրաբյանը։ Նրա խոսքով՝ Սահմանադրությունը գրվել է շատ փնթի ձևով, դրա համար էլ սահմանադրական դրույթները ներկայումս տալիս են տարընթերցումների հնարավորություն։ «Ներկա սահմանադրական ճգնաժամի հիմնական մեղավորները և պատասխանատուները նրանք են, ովքեր գրել են այս Սահմանադրությունը։ Մենք գիտենք դրանց, որոնցից մեկն էլ ներկայումս իբր ՍԴ նախագահն է»,- ասաց Զուրաբյանը։
ՀԱԿ փոխնախագահը նշեց, որ Հրայր Թովմասյանը և ՍԴ մնացած անդամները անձնական պատասխանատվություն են կրում ստեղծված իրավիճակի համար և իրենց ներկա համառությունով շարունակելու են ճգնաժամը։ «Նրանք պետք է հասկանան իրենց պատասխանատվության չափը և պարզապես հրաժարական տան։ Բայց իրենք կառչած են, որը ցույց է տալիս, որ իրենք պարզապես անձնական հարց են լուծում»,- նշեց Զուրաբյանը՝ հավելելով. «Մենք ի վերջո խոսում ենք հանրապետականների մասին, ովքեր հեղինակել են այս Սահմանադրությունը և հիմք են դրել կոռումպացված, թալանչի համակարգին»։
Առավել մանրամասն՝ տեսանյությում:
