Ռուսական С-400 զենիթահրթիռային համակարգերի Թուրքիա մատակարարումը կսկսվի հաջորդ շաբաթ: Այս մասին հայտարարել է Թուրքիայի պաշտպանության արդյունաբերության քարտուղարության ղեկավար Իսմայիլ Դեմիրը, հաղորդում է «ՌԻԱ Նովոստին»:
«Հուլիսի առաջին շաբաթն անցավ, սկսվում է երկրորդը: Հաջորդ շաբաթ դուք կտեսնեք С-400-ի մատակարարումը»,- ասել է Դեմիրը:
Հունիսի վերջին ՌԴ նախագահի մամուլի խոսնակ Դմիտրի Պեսկովը հայտարարել է, որ Թուրքիային C-400 զենիթահրթիռային համակարգերի մատակարարման պայմանագիրը տեխնոլոգիայի մասնակի փոխանցում է ենթադրում:
Հունիսի 28-ին ԱՄՆ սենատն արգելել է Թուրքիային F-35 կործանիչների վաճառքը: Միացյալ Նահանգներում և ՆԱՏՕ-ի անդամ մյուս երկրներում մտավախություն ունեն, որ եթե Անկարայի զինանոցում և՛ C-400, և՛ F-35 հայտնվի, ապա ռուսական համակարգերի ռադարները կկարողանան հայտնաբերել և հետևել ամերիկյան կործանիչներին: