ՌԴ-ի, Ուկրաինայի, Բելառուսի, Հայաստանի և Ադրբեջանի ներկայացուցիչները Վրաստան այցելության շրջանակներում կքննարկեն հունիսի 20-21-ի իրադարձությունները: Եվրոպական-վրացական ինստիտուտի ղեկավար Գեորգի Մելաշվիլիի խոսքե ՌԴ-ից մասնակցում են «Յաբլոկո» կուսակցության ներկայացուցիչները՝ գրում է apsny.ge-ն:
«Յաբլոկո» կուսակցության փոխնախագահ Ալեքսանդր Գնեզդիլովը ասել է, որ լավ հասկանում է այն մարդկանց զգացմունքները, որոնք վրդովված են պատգամավոր Գավրիլովի այցից:
«Ես կարծում եմ, որ բողոքը արդար է: 2008 թ. Ռուսաստանի կողմից միակողմանի կարգով ընդունված որոշումները, իհարկե, չեն նպաստում մեր երկրների բարիդրացիությանը կամ Սուխումիի և Ցխինվալիի հետ հակամարտության կարգավորմանը: Ուստի ես հիանալի հասկանում եմ այն մարդկանց զգացմունքները, որոնք վրդովված են պատգամավոր Գավրիլովի ժամանումից և դրա հետ կապված ամեն ինչից: Երբ Գավրիլով՝ խոսնակի տեղը նստելը, իհարկե, սխալ քայլ էր:
Նման այցեր կատարելիս պետք է իրական քաղաքական իրավիճակի մասին հասկացողություն և տակիտի զգացում ցուցաբերել», – ասել է է Ալեքսանդր Գնեզդիլովը:
Գնեզդիլովը անդրադարձել է նաև Ռուսաստանի նախագահի որոշմանը` Վրաստանից ռուս զբոսաշրջիկների տարհանման կապակցությամբ, և այն որակել է կեղծավորություն: Ռուսական ընդդիմության կարծիքով՝ 5 տարի Վլադիմիր Պուտինը չի պահանջում մի ռուսաստանցի տարհանել Դոնբասից, որտեղ իրականում տեղի են ունենում ռազմական գործողություններ: Նա համարում է, որ Պուտինի որոշումը սխալ է և չի բխում ռուսաստանցիների շահերից:
