«Առաջին լրատվական»-ի հյուրերը ՄԱՀՀԻ հիմնադիր, քաղաքագետ Ստյոպա Սաֆարյանն ու միջազգայնագետ Սուրեն Սարգսյանն են։
Խոսելով հայ-ամերիկյան հարաբերությունների մասին՝ մեր զրուցակիցները նկատեցին, որ, որպես կանոն, ԱՄՆ դեմոկրատ ղեկավարները Հայաստանի հետ ավելի արդյունավետ են աշխատել, քան հանրապետականները։
Ինչ վերաբերում է Իրան-ԱՄՆ հարաբերությունների սրմանը, հնարավոր պատերազմի հեռանկարին, Սուրեն Սարգսյանը նկատեց՝ Հայաստանը չունի տեսլական՝ ինչպես վարվել նման իրավիճակում. «Ուզենք, թե չուզենք՝ պետության վրա տնտեսական ու քաղաքական ազդեցություն է լինում. չենք կարող ասել՝ Աստված տա, հույս ունենանք, լավ կլինի, որ չպատերազմեն։ Մենք պետք է զսպման մեխանիզմներ ունենանք։ Ինձ համար զարմանալի է՝ եթե ռուս-վրացական կոնֆլիկտին նախապատրաստվելու ժամանակ չունեինք, հիմա ունենք։ Եթե մեկ տոկոս հավանականություն կա, որ ԱՄՆ-ն ու Իրանը կարող են գնալ բախման, ապա Հայաստանը պետք է գործողությունների հստակ պլան ունենա»։
Ստյոպա Սաֆարյանի դիտարկմամբ՝ Հայաստան պետության քաղաքականության մեքենան այսօր ու երեկ ռազմավարական պլանավորման ու կանխատեսման ֆունկցիաները պատշաճ չի կատարում. «Ինձ էլ է այդ հարցը մտահոգում։ Լավ կլինի, որ նման ֆորս-մաժորային իրավիճակներում պետության արձագանքները քեզ էլ զարմանալի ու մտահոգիչ չթվան՝ պետք է բոլոր գործողությունների պլան Ա-ն ու Բ-ն ունենանք»։
Հարցազրույցն ամբողջությամբ՝ տեսանյութում