Լուրեր
Եկեղեցին և Փաշինյանը պետք է գնահատական տան սեփական աղջիկներին բռնաբարող «Խաչատուրյաններին»
  • 22:00
  • 2019-07-02
  • Դիտումներ՝ *

Անցյալ տարի հուլիսի 7-ին 57-ամյա Միխայիլ Խաչատուրյանին հայտնաբերեցին սեփական տան աստիճանահարթակում՝ կրծքի և պարանոցի հատվածում բազմաթիվ կտրած, ծակած վերքերով: Սպանության մեջ իրենց մեղքը ճանաչեցին նրա երեք դուստրերը: Դեպքը տեղի է ունեցել Մոսկվայում: Գործի քննության ընթացքում ի հայտ եկան մի շարք սարսափելի մանրամասներ: Թեմայի շուրջ «Առաջին լրատվական»-ի հետ քննարկմանը մասնակցեցին գրող, հրապարակախոս Նարինե Աբգարյանը և հոգեբան Զառա Հարությունյանը:

«Ես համոզված էի, որ աղջիկներին չէին դատի: Երբ Խաչատուրյան քույրիկներին ձերբակալել էին, քննիչներն իրենք էին դիմել դատարան, որ նրանց ձերբակալությունը փոխարինվի տնային կալանքով, քանի որ այնպիսի ահավոր փաստեր էին բացահայտվել, որ նույնիսկ քննիչներն էին ուղղակի շոկի մեջ: Հունիսի 13-ին տեղեկացանք, որ ամենածանր հոդվածն են թողել, որով սպանության հիմքը անձնական թշնամանքն է, ոչ թե բռնության հետևանքը…»,- նշեց Ն. Աբգարյանը:

Զ. Հարությունյանի հավաստմամբ՝ մեկ տարվա ընթացքում ստացած բոլոր դատաբժշկական փորձաքննության արդյունքներն ապացուցում են, որ Խաչատուրյան քույրերի նկատմամբ հայրը կիրառել է բռնության բոլոր տեսակները՝ սկսած հոգեբանականից, մինչև ֆիզիկական և սեռական:

Աղջիկները նաև զրկված են եղել դպրոց հաճախելու հնարավորությունից: «Բոլորն իմացել են, որ նրանց հայրը հանցագործ է… Հոգեբանները, սոցիալական աշխատողները գնացել են տուն, դուռը թակել, բայց Խաչատուրյանն սպառնացել է, երբ նրանք դիմելեն ոստիկանություն, ոստիկանները հորդորել են՝ գործ չունեք այդ մարդու հետ: նրանք հանցավոր համագործակցության մեջ են եղել Խաչատուրյանի հետ: Խաչատուրյանը առողջական խդիրներ է ունեցել Աֆղանստանում ծառայելուց հետո, տարին մի քանի անգամ հոգեբուժարանում բուժում է ստացել, եղել է վտանգավոր անձ բոլորի համար: Նա զենքի ուժով վռնդել էր կնոջը…»,- նշեց հոգեբանը:

ն. Աբգարյանը հավելեց, որ մեր հասարակությունը պատրաստ չէ ընունելու այդպիսի կերպար, պատրաստ չէ նման իրավիճակի հետ բախվելու և պատասխանատվություն կրելու, մինչդեռ հայաստանյան բոլոր համապատասխան ինստիտուտները պետք է իրենց գնահատականը տան»: Զ. Հարությունյանն ընդգծեց. «Ես սպասում եմ, որ Ն. Փաշինյանը և մեր եկեղեցին իրենց գնահատականները տան»:

Մանրամասն՝ տեսանյութում:

  • Դիտումներ՝ *